قاعدة في بيت أهلي
في بجامه العيد لول
مع أمي مجابلين التلفزيون
فجأة دخلوا اخواني ووراهم ريلي شايل كيكة
يغنون هابي بيرث دي :)
إحساس يونس ويبجي ويضحك ويفشل
أكثر شي حلو بالموضوع
ان الشمعة كانت على علامة استفهام لووول
على قولتهم شعليج كيكتج من Guess
.jpg)
الجماعة طلعوا عصابة
هني مخططين
وهني مخططين
بمساعدة امي اللي كل ما ييت اقوم فتحت موضوع
عشان اشتط واسولف فيه لووول
طلعت اختي بعد شاريه كيكه
.jpg)
تبون الصج عاد؟
ما توقعت أحد يذكر مع لوية العيد
عسى الله لا يحرمني منهم يا رب
أشوفكم على خير :)
هناك 62 تعليقًا:
اروع واجمل احساس المفاجأة بعيد الميلاد
ولمة اغلى الناس
:)
كل عام وانت بالف خير
وان شاء الله العمر كلة
بس ليش الشقى بالعنوان
هذا يوم فرح
ولحظة وناسة تذكرينها
واكيد راح تشحكين على البجامة
:)
عسى دوم فرحانة
:)
عاد ولابسه جوتي العيد مع البجامه والا لا ؟؟ @@
كل عام وانتي بخيرررررر وينعاد عليج 70 سنه مع من تحبين :a
كافي سبعين على عمرج 30 يعني 100 بدون ضروس ومخرفه بعد لا خوش زين 70 ;q
أدري أدري بنطق الليله لووووووووووول
أبي كيكه مالي شغل أبي من الي فوق شكلها أكشخ وأغلى وأبي بعد من الهديه مالي شغل وأبي بعد مممممممممممممممم أبي مممممممممممم
عيديه ثانيه عشان عيدميلادج ;q
منال يا هلا وغلا
اي والله الاحساس حده مو طبيعي
ما قصرتي يا قلبي
عدت يا ايها الشقي شطرة من قصيدة مشهورة
وبيني وبينج اي مت من الضحك فاجئوني بصراحة وعورو قلبي :)
ما قصرتي يا عمري على هالدعوه الحلوة واجمعين يا رب :)
كويت
من صجج انتي ؟؟ اصلا اللي بقى مني من زهوة العيد جوتيي وانتي بكرامة وقذلتي الممغوطه بالستريتنر ههههه
يا ويلج من الله انا بس قريت رقم 30 عورني بطني تو الناس تو الناس حسبي الله على بليسج نزلي شوي ههههههههه
وبيني وبينج الكيكتين نفس الشي عندي لان وحدة من عيني اليمين والثانية من عيني اليسار بس تامرين الحين اقولهم يقصون لج قطعه والهدايا شوفن بلا ذوق يعني شوفي بعينج بس إلا جان ممكن هدية اختي الصغيرة راح ارش لج من العطر رشه وحدة فقط لا غير .. اما الهدايا النقدية من امي وريلي فخبرج انا نحيسه اخذتهم وحطيتهم بظرف وقلت حق امي تحولهم بحريني لاني مسافره بعد جم يوم :(
يعني ما تبينهم :)
اصلح نحيسه؟؟؟
كل عام و انتي بخير :))
شدعوه ما قصيتي لي اشوي من الكيكة :P
عبادي
وانت الخير بكل عام ما قصرت ياخوي
افا عليك من اي وحدة اشر انت بس
لج ولكل من يحبج طولة العمر
ربي ما يفرقكم
ويجمعكم في عليين
شفت الكيكة حكني اليوع!
شكلي بشوفلي فطاير مادري إذا فاتحين الحين لوول
شعليج عيدين مو عيد واحد :)
أما بخصوص الكيكة، يامعودة على الأقل إذكرووج :)
آنا ولا مرة إذكروني بعيد ميلادي، وإذا رحت قلتلهم تدرين شيردون علي؟
عيد ميلاد مين الليلة .. عيد ميلاد جاموس العيلة :\
بطلت أقولهم عقبها خير شر!
وكل عام وإنتي بخير
عمر الشئي، بئي :q
كل عام وانتم بخير
العيد عيدين
كل عام و انتي بخير
و عسى الله يديم عليكم نعمة التألف مع بعض ويصلح مابينكم
كل سنة وانت بخير ويا عسى أيامكم كلها أعياد وأفراح :)
HaPpY BirThDay
كل عام و انتي بخير و سعاده :)
و لج طولة العمر على طاعة
الله و احبابج حولج ^_^
جميل هو هذا الشعور واسأل الله ان يتم عليكم نعمه التواصل الجميل وان تكونوا لبعضكم عونا على الخير متواصلين في البر
عيدك مبارك وكل عام وانتي بخير وعقبال 1000 سنه :)
كل عام و أنتي بخير و انشالله تكون سنه حلوه عليــــــــــــج :)
بس ماقلتيلنا مكان شمعة الإستفهام جم الرقم ؟ لوووووووووول
العمر كله يارب
:**
ابو لطيف
آمين آمين آمين يا رب العالمين واجمعين ان شاء الله
ما قصرت ياخوي :)
ميت
لووووووووووووووول عيد ميلاد مين الليله عجبتني اول مره تمر علي .. عيل ما شفت اخوي لما يغني هابي بيرث دي تو يوووووو كان يوم اسود يوم ما جيت لووووووووووول .. بس تدري شلون ولا يهمك انت بس حطلي التاريخ واغنيها لك ان شاء الله
ما قصرت ياخوي عالمرور فرحني
عسى الله لا يحرمني هالطلة يا رب
ولد الديرة
لووووول اهم شي عمر الشئي بئي عسى الله يعطيني طولة العمر ان شاء الله
شرايك فيني بس ؟؟ لووووول
وانت الخير بكل عام ما تقصر ياخوي :)
الاب الروحي
اي والله العيد عيدين
اللهم آمين واجمعين ان شاء الله ما قصرت ياخوي
عسى الله لا يحرمنا هالطلة يا رب
ولد اخو عمتك
وانت الخير بكل سنة آمين واجمعين يا رب ما قصرت ياخوي :) ترى خاشة قطعة كيك حق العمة
قلب طفلة
ميرسييييي آمين يا رب واجمعين ان شاء الله ما قصرتي يا قلبي :)
لا عدمنا هالتواصل
رجل يحمل مشاعر
اي والله جميل بدرجة ما تتوقعها ..
آمين يا رب واجمعين ان شاء الله ما قصرت ياخوي
وانت بخير وسعادة دوم
لافندر
يا هلا وغلا
وانتي الخير بكل عام
لووووووووووول يا حبج للفضايح .. علامة الاستفهام تلقين رقمها في بلوق بحر احساس :)
شرايج فيني وانا شارلك هولمز؟؟؟
الزين
يا هلا وغلا
وياج يا رب ما قصرتي يا قلبي :*
كل عام وانتي بخير و هابي بيرث داي
وانشاء الله دائما اعيدج تصير عيدين
وعطني ولعه
يا عيد هيلت بسبعٍ وعشرين
هلت مزن بالخير هي امحملات
يا عيد هليت زينٍ على زين
اهل وحبايب حولي من غير دعوات
عصبة وعصابة ضدي كانوا مخططين
فجأة دخلوا علي باحلى الكيكات
سجل يازمن عندك عواد منين
احلى زماني وخلها في الذكريات
ربي يمد بعمرك سنين وسنين
خير وسعادة وغنى ... وكل المسرات
مبروك والفين ياساكن البحرين
ربي يردك لاهلك باعلى الشهادات
السلام عليكم
عيدج مبارك وتقبل الله طاعتج وعساج من عواده وكل عام وانتي بخير اختي
تحياتي وعساج على القوه :)
the boss
يا هلا وغلا ياخوي تسلم ما تقصر
آمين واجمعين يا رب بس هالمرة انت اللي عطني ولعة :)
بو لطيف صح لسانك وقول آمين
كل ما تمنيته عشاني بدعوات
ترجع لك الدعوات يارب ضعفين
واللي دعيته مره يرد مــرات
...
بو لطيف صح لسانك وما قصرت ياخوي فرحتني والله بهالكلام
لا خلا ولا عدم ان شاء الله
فارس هوى الكويت
يا هلا وغلا يا خوي وعيدك مبارك وكل عام وانت بالف خير
ما قصرت والله نورت البوست
صلاح
وانت الخير بكل عام
الف شكر لك ما قصرت ياخوي :)
مرحبا
كل عام وانتي بخير
يا معوده لا تتكلمين عن عيد الميلاد لا يسمعج محمد هايف ويتهمج إنج ورا ظاهرة الفوضى والعنف في الافينيوز
عموما قبال ما تشوفين كيكة عرس ولد ولد ولد بنت ولد ولدج!!
Allah
: )
Happy Birthday
o il 3mr kelh inShalla
!!
كل سنه وانتي بألف خير
عقبال 200 سنه .. يكفي؟؟
واحلى احساس مفاجأت عيد الميلاد .. طبعا الهدايا اهم شي :P
عيدج مبارك :)
وكل عام وانتى بخير:)
واحلي شى الموقف صار وانتى بالبجامة :)))
طلب صغير اختي الكريمة
انا من متابعين مدونتج بس ما شاء الله حاطة اربع مدونات ما ندري شنقري وشنخلي:)
شنو الحل؟
كل عام و انتى بخير
و عيدك مبارك بخامس ايام العيد
كاريكاتير
يا هلا وغلا ياخوي لووول داينصور؟؟؟؟
لكن ما قصرت والله خوش دعوة وهايف خله على صوب انا مدونتي عندها حصانه ومحاوطه بسور كهربائي
Dubai
heeey girl long time no see
thanks dear ma ga9arty ya galby :)
tooot
اي والله اي والله اي والله
احساس عجيب الصراحة :) الهدايا لها لذه مو طبيعية الصراحة لول
وانتي بخير ما قصرتي حبيبتي على مرورج الاول وان شاء الله ما يكون الاخير :)
مشاري
يا هلا ياخوي وايامك سعيده ان شاء الله وانت الخير بكل عام ما قصرت :)
اولا فخر لي متابعتك المدونات لاحظت ان مو بس انت اللي ما لقطت قمندتها لول عيل انا كنت مفكرة احط الخامسة
لذلك باذن الله راح احط التوصيف تحت كل مدونةعشان توضح للجميع لكن خلني اشرحها لك باختصار
غربة وطن .. اكتب فيها يومياتي او سوالفي بالغربة .. بالغربة فقط :)
في خاطري كلمة .. وجهة نظري بشي معين او سلوك معين او تصرف معين
بحر احساس .. نقدر نقول دفتر اشعاري .. مو كل الناس تحب تقرا شعر او مهتمه فيه فعزلناه بمدونه بروحه
وتر سادس .. البشتخته مالتي :) او خل نقول السيدي بلير وهم مو كل الناس تسمع اغاني :)
اتمنى انه الصورة وضحت الحين :) الخامسة يايه بالطريج بس ليلحين ما ادري شنو مجالها :)
مشاري نسيت اقولك
شكرا لسؤالك :)
براقش يا هلا وغلا
وعاش من شافج
وانتي بخير يا قلبي وايامج سعيده :)
يا سلام يا سلام
والله شعور قوي
وناااااسه
الله يخليهم لج يارب
وكل عام وانتي بخير
أوووووووف !!
طلعتي سميّة ، سميتي بتاريخ الميلاد :)
السنة الياية ان شاء الله الدور عليج تكتبين مذكراتج وان شاء الله تكون احداثها أجمل واحلى من ذكرياتي اللي كلها حروب ودمار وغزو
بس اللي يخوّف أن حتى العنوان واحد !!
الله يطول بعمرج وتقضينه بالسعادة والصحة والعافية والطاعة جنابكم والزوج المصون والأهل الكرام وكل من يعز عليكم طال عمرج
كل عام وانتي بخير :)
من باجر الكل بيطلب من كيكتج ,ماركة بعد مو اي كيكة ;)
كل عام وانت بخير ,والله يخليلج الاهل كلهم يارب
كل عام ونتي بخير :) هابي بيرثداي
كويتاوي
يا هلا وغلا
وانت الخير بكل عام ياخوي ما قصرت خوش دعوة بصراحة اجمعين يا رب
:)
صلاح الانصاري
يا هلا والله .. اي شفت شلون انا بعد اخترعت لما قريت بوستك لول كل عام وانت بالف خير يا رب
نورت البوست ياخوي :)
مهندسنا
يا هلا والله وانت الخير بكل عام
ما قصرت ياخوي
سويته يا هلا وغلا
آمين يا رب واجمعين ان شاء الله
اي شفتي شلون شمعة الاستفهام فرحت فيها اكثر من الكيكة والهدايا الله يسلمج لووووووووووول
قوقعة
يا هلا وغلا ميرسي حبيبتي وانتي الخير بكل عام يا قلبي ما قصرتي :)
كل عام وانتي بخير اسف للتاخير
كل عام وانتي بخير
ادري بتقولين تو الناس :$
ينعاد عليج انتي وكل اللي تحبينم ويحبونج بكل خير يارب
:***
كل عام والخير دربج وممشاج
الله يعمر أيامج برضاه
وآسف على التأخير يالغاليه :)
العمر كله انشالله
ها
what was your wish ?:P
احلى شي البجامة و الكيكة :P
AK-47
يا هلا وغلا وانت الخير بكل عام
مرورك بحد ذاته هني جنك ياي الساعة 12:01 بالضبط عندي
ما قصرت ياخوي
تراب الكويت
يا هلا وغلا
آمين واجمعين يا ربي .. ماراح اقول تو الناس لان بالفعل تو الناس ما خلص الشهر لي آخر يوم من الشهر الجاري قابل البوست لاستقبال المهنئين لول
نورتي حبيبتي
مفكرنا
يا هلا وغلا وعاش من شافك ياخوي
لو كنت ياي قبل جم يوم جان لقيت عاليسار مكتوب مبروك الزواج لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول اشوه اني شلته ولا جان صارت فضيحتنا بجلاجل لوووووووووووول
ولا متأخر ولا شي بعده الشهر ما خلص ما قصرت ياخوي :)
نورت البوست ولا تقاطع
منو ينسى
يا هلا والله ونورتي بمرورج الاول
من صجج؟
البجامة اصلا كانت من اولويات الاحتفال لوووول وبيني وبينج ماكان عندي وش هالسنه نفخت على طول قلت باشوف شنو الوشز اللي ما تمنيتها وبتصير منها ومن كيفها لول
نورتي حبوبة
مررت فأعجبتنى المدونة فتركت لكم بصمتى وأيضا
دعوة من الأنسة منى مشرفة مركز خدمة
المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا وتبادل البنر
كل سنننننه وانتي طيببببه
وياحلو اهلج الله لا يحرمج منهم
قولي امين
عاد شنو تمنيتي
?
:))
العمر كله ان شاء الله
---
مدونتج جميله على فكره
إرسال تعليق