السلام عليكم
وشلونكم وشخباركم جميعا
انا صار معاي شي غريب
حطيت راسي ونمت امس الساعة تسع ونص .. وقعدت بعدها بجم ساعه على صوت يهمس باذني
كل عام وانتي بخير بابا
فتحت عيني إلا ريلي عند راسي .. بكل استغراب سألته .. ليش؟؟
جان يقولي هابي بيرث دي دخلنا 2/10
@@
انصدمت .. المفروض انها مفاجأة حلوة
بس انا انصدمت من نفسي اني مو حاسه بالوقت ولا واعية احنا باي يوم ولا باي تاريخ مع اني كلش مو من النوع اللي ممكن انسى يوم ميلادي
في احد مثلي صار senseless من ناحية الوقت ؟؟
هل لأني باجازة مثلا؟؟ هل لاني استانست عالقعده بالكويت وما ودي ارجع اسافر؟؟
طيب الطلبة اللي يدرسون برة .. لما ترجعون الكويت باجازة يحوشكم هالاحساس ؟؟
.....
همسة : اخوي المدون صلاح الأنصاري .. كل عام وانت بالف خير وكل عام وانت من الله أقرب .. يوم ميلاده يصادف يوم ميلادي وتوقعت انه كاتب نفس العنوان مثل العام بس غاط صارله جم شهر .. يا رب المانع خير
...
همسة اخرى : اخوي المدون أحمد الحيدر شرايك بس بالعوده الحين ؟؟ هههه
الجمعة، 2 أكتوبر 2009
الاشتراك في:
تعليقات الرسالة (Atom)
هناك 6 تعليقات:
يعني و بعدين يعني
يا بالعيد يا برمضان
شنو كأنك مناسبات الحكومة
كل عام و انتي بخير
لا تدققين ترى بس من الشرهه على غيابك
لوووووووووووووووول
هلا هلا هلا الاب الروحي
مو شسوي يا ربي لا تشوف جم موضوع بالمسوده ما خلصوا بعد .. السؤال ليش؟
كل ما ييت اكتب موضوع قلت بقلبي
عنبودارج انتي كلها جم يوم وبتسافرين خلي هالسوالف لي رحتي هناك
وبيني وبينك اسمع كلام نفسي واحفظهم بالمسوده
عاد لا تزف عاد
نورت ياخوي :)
كل عام وانت بخير ,عاد بنت بطنها ماصارت اجازة اقل شي حطي لنا من هلاالاختيارات الحلوة في وتر سادس وطلعي
ولا من لقي احبابه نسي اصحابه
علي العموم عيد ميلاد سعيد ويارب عقبال 100000000000000000000 سنة :)
هلا هلا هلا سويته
وانتي الخير بكل عام يا قلبي
لا والله مو عن بس لان قبلها كان رمضان ووتر سادس ياخذ اجازة برمضان
بس ولا يهمج عيوني لج
نورتي يا قلبي والف شكر لمتابعتج
كل عام وانت بخير
عذرا على التأخير
صلاح يا هلا والله
وانت الخير بكل عام اخوي
وتأخيرك تقديم عندي
ألف شكر لمرورك
إرسال تعليق