الجمعة، 6 نوفمبر 2009

إلى متى تطيلون الغياب؟؟

السلام عليكم ورحمة الله
في خاطري كلمة ..
لمن أطالوا الغياب .. ولم اجد لهم مواضيع جديدة في مدوناتهم منذ فترة طويلة
ولا قصورا باخواني واخواتي من الموجودين
ولكنني افتقد اسماء كثيرة .. اشتقت لمعرفة اخبارها ومشاطرة افكارها والنقاش معها
كيف لا .. وقد ضحكت .. بكيت .. تألمت .. شفيت .. حزنت .. فرحت .. طمحت .. احبطت .. فشلت .. حاولت .. نجحت .. وفضفضت .. مع تلك المدونات
لا أمتلك سوى ان أقول اشتقت لكم
أنا كويتي
GawGa3a
وتطول القائمة .. اسمحولي ان نسيت احد
ولكن المناشدة كانت لكل من غاب بغض النظر عن ذكري لاسمه او لا
وبامكانكم مساعدتي بذكر من غاب عنكم
نعلم ان الظروف تجبرنا احيانا لكن طمنونا عليكم فقط
.
.
.
من جانب آخر (خلصت الرومانسية الحين)
.
.
افتح يا سمسم
.
.
اللي مقفلين مدوناتهم فتحوهم احسن لكم
لا تضطروني افتن والبوست الياي تصير لسته ثانية عنوانها " فجوا الباب"
.
.
.
أشوفكم على خير

هناك 11 تعليقًا:

Sweet Revenge يقول...

معاج بنت بطنها في كل الي قلتيه
والي صاكين الباب اعرفهم ,بجهز البنر مافتحوا الباب من باجر مظاهرات ;)

غير معرف يقول...

صراحه عندي استفسار إذا ما فيه إحراج
:)

ماني فاهم بالضبط ، شتقصدين بأنج مسميه روحج :
بنت بطنها !

؟؟

ليس الفتى من قال كان أبي
إن الفتى من قال ها أنا ذا

:))

بـنـت بـطنـهـا يقول...

سويته

ضروري تطرشينه لي انا معاج قلبا وقالبا وبادق وتد عند بيبان بلوقاتهم وماسكه اللافته بيدي لول
نورتي سويته دائما وابدا

بـنـت بـطنـهـا يقول...

العزيزة
أو العزيز ماني فاهم

الاستفسار ابدا مافيه احراج

بنت بطنها أو عيال بطنها كانت تسمية قديمة يطلقها الكويتيين على انفسهم
(قبل ان يلوث المعنى في عقول الكثير بسبب بلبلة الانتخابات والاحداث السياسية في العصر الحالي )

باختصار تفسيره يعود لدرجة تأثر عقل المتلقي بذلك التلوث وحالته النفسية

اما بخصوص البيت فلا اعلم ما علاقة أبي الله يرحمه بالموضوع

:))

ولد الديرة يقول...

تصدقين من شهر واكثر على بالي هالموضوع

احس بأني فاقد اكثر من شخص لكن مستحي اسأل

اما اللي صاكين مدوناتهم فما ادري شنو ظروفهم ما يشوفون شر :)

ردج بصراحة اثبت انج بنت بطنها :q

غير معرف يقول...

شكرا على رحابة الصدر
:)

لا أقصد من الشعر والدكم الفاضل رحمه الله ، بالذات
لكن مثل ما يقولون إحنا عيال اليوم

و الدول المتقدمه مثل أمريكا تقدر المواطنين بحسب إنجازاتهم
لا بأصولهم العريقه

و بريطانيا التي تمنح لقب "السير" بالسابق لأبناء عوائل معينه ، في الوقت الحالي تمنحه لأي مواطن يخدم مجتمعه


و يمكنك ان تسميني ولد بطنها ، إذا كانت هذه التسميه موجوده إلى الأن

بـنـت بـطنـهـا يقول...

ولد الديرة

هلا هلا هلا ياخوي اسكت انا صاكه فيني الدنيا مانبي شي يا معود بس يكتبون بوست مكتوب فيه "احنا بخير" يارب يكونون بخير بس هذا اهم شي
شكرا لدعمك ;)

بـنـت بـطنـهـا يقول...

السير ولد بطنها

نحن عيال بطنها بالأمس
وعيال بطنها اليوم
وعيال بطنها باجر
وستبقى التسمية طالما هناك كويت

دمت بود

همسة : لا تدع الاسماء تستفزك .. فرب العالمين لا يفرق بين خلق وخلق

اهداء

http://www.youtube.com/watch?v=4z7qrvpC49A

غير معرف يقول...

و لكل إنسان من أسمه نصيب

شكرا ، و نأسف على الإزعاج

بـنـت بـطنـهـا يقول...

غير معرف
العفو اخوي ولاداعي للاعتذار مامن ازعاج :)

قلب طفله يقول...

كااااااااني يا الغاليه
انا رديت و الحمدلله بخير
انتي اللي وينج الحيييين ؟؟
يلا ردي نبيج :)